எலும்பை இரும்பு மாதிரி வைத்திருக்க இந்த கால்சியத்தோட வைட்டமின் டி - யும் வேணும்... தினமும் எவ்வளவு தேவை?

Post Views: 120

நம்முடைய ஒட்டுமொத்த உடலின் ஆரோக்கியத்திற்கு எலும்புகளின் ஆரோக்கியம் மிக முக்கியம். ஏனெனில் நம்முடைய உடலுக்கு ஒரு வடிவமைப்பைக் கொடுக்கக் கூடியது இந்த எலும்புகள் தான்.

வைட்டமின் டி – யும் கால்சியமும்:

வைட்டமின் டி, ‘சூரிய ஒளி வைட்டமின்’ என்று அழைக்கப்படுகிறது. இந்த வைட்டமின் டி நம்முடைய உணவில் இருக்கும் கால்சியம் உறிஞ்சுதலை எளிதாக்குகிறது. அதனால் எலும்புகள் நல்ல உறுதியுடன் இருக்கும்.

எலும்புகள் உறுதியாக இருக்க வெறுமனே கால்சியம் மட்டும் போதுமானது என்று நாம் நினைத்துக் கொண்டிருக்கிறோம். ஆனால் வைட்டமின் டி போதிய அளவு இல்லாமல் கால்சியம் மட்டும் இருந்தாலும் எலும்புகள் உறுதியாக இருக்காது. அது எலும்பு முறிவுகளுக்கு வழிவகுக்கும்.

இதுவே வைட்டமின் டி மற்றும் கால்சியம் இரண்டும் போதுமான அளவில் இருக்கும்போது அது எலும்புகளை உறுதியாக்குவதோடு எலும்புகளின் அடர்த்தியும் குறையாமல் பாதுகாக்க முடியும்.

எலும்பு ஆரோக்கியத்தை கால்சியம் எப்படி மேம்படுத்தும்?

கால்சியம் நம்முடைய உடலுக்கு அடிப்படையாகத் தேவைப்படுகிற மினரல்களில் ஒன்று. இது நம்முடைய பற்கள் மற்றும் எலும்புகள் உருவாவதிலும் அவற்றை உறுதியாக வைத்துக் கொள்வதிலும் முக்கியப் பங்கு வகிக்கின்றன.

எலும்பு ஆரோக்கியத்தை தாண்டி கூடுதலாக, தசை சுருக்கம், நரம்பு மண்டலம் சீராக இருப்பது மற்றும் ரத்தம் உறைதல் உள்ளிட்ட பல்வேறு உடலியல் செயல்பாடுகளுக்கும் இந்த கால்சியம் அவசியமானதாக இருக்கிறது.

வைட்டமின் டி எலும்புகளுக்கு ஏன் தேவை?

உடலில் கால்சியத்தை சரியாக உறிஞ்சுவதற்கும் பயன்படுத்துவதற்கும் வைட்டமின் டி அவசியம். இது குடலில் இருந்து கால்சியத்தை உறிஞ்ச உதவி செய்கிறது.

போதுமான வைட்டமின் டி இல்லாமல், உணவில் இருந்து கால்சியத்தை உடலால் திறம்பட உறிஞ்ச முடியாது. அதேபோல ரத்தத்தில் உள்ள கால்சியம் அளவை ஒழுங்குபடுத்துவதிலும், எலும்புகளில் சேமிக்கப்படும் கால்சியம் மற்றும் ரத்தத்தில் உள்ள கால்சியம் ஆகியவற்றுக்கு இடையே உள்ள சமநிலையை பராமரிப்பதிலும் வைட்டமின் டி பங்கு முக்கியப் வகிக்கிறது.

கால்சியம் வளர்சிதை மாற்றத்தில் அதன் பங்கிற்கு கூடுதலாக, வைட்டமின் டி நோயெதிர்ப்பு செயல்பாடு, உயிரணு வளர்ச்சி மற்றும் அழற்சியின் பண்பேற்றம் ஆகியவற்றிற்கும் முக்கியமானது.

தினசரி கால்சியம் தேவை:

கால்சியம் எலும்புகளை வலுவாக்கும் வேலையைச் செய்கிறது. அதனால் ஆஸ்டியோபோரோசிஸ் போன்ற பிரச்சினைகளைத் தவிர்க்க முடியும்.

கர்ப்பிணி மற்றும் பாலூட்டும் பெண்கள் உட்பட 19 முதல் 50 வயதுடைய பெரியவர்களுக்கு: ஒரு நாளைக்கு 1,000 மில்லி கிராம் (மி.கி.) அளவும்

51 வயது மற்றும் அதற்கு மேற்பட்ட வயது வந்த பெண்களுக்கு: ஒரு நாளைக்கு 1,200 மி.கி. அளவும்

51 முதல் 70 வயது வரையிலான வயது வந்த ஆண்களுக்கு: ஒரு நாளைக்கு 1,000 மி.கி.
அளவும்

71 வயது மற்றும் அதற்கு மேற்பட்ட வயது வந்த ஆண்களுக்கு: ஒரு நாளைக்கு 1,200 மி.கி. அளவும் கால்சியம் தேவை.