அமீரகத்தில் தனியார் கல்வித் துறையில் 4,000 எமிராட்டிகளை பணியமர்த்த புதுமுயற்சி!! வெளிநாட்டினருக்கு குறையும் வேலைவாய்ப்பு..

அமீரகத்தில் தனியார் கல்வித் துறையில் 4,000 எமிராட்டிகளை பணியமர்த்த புதுமுயற்சி!! வெளிநாட்டினருக்கு குறையும் வேலைவாய்ப்பு..

Last Updated on: 30th December 2023, 09:02 pm

ஐக்கிய அரபு அமீரகத்தில் எதிர்வரும் 2024 முதல் ஒவ்வொரு ஆண்டும் கல்வித் துறையில் 1,000 எமிரேட்டிகளை பணியமர்த்த முயலும் திட்டம் தொடங்கப்பட்டிருப்பதால், எமிராட்டிசேஷன் இயக்கத்தில் கவனம் செலுத்தப்பட்டு வருவதாக அதிகாரிகள் தெரிவித்துள்ளனர்.

இந்த திட்டம் நான்கு ஆண்டுகளுக்குள் 4,000 எமிராட்டிகளை தனியார் கல்வி நிறுவனங்களில் பணியமர்த்துவதை நோக்கமாகக் கொண்டுள்ளது.

குறிப்பாக, கற்பித்தல் மற்றும் பள்ளி தொடர்பான வேலைகளைத் தேடும் எமிராட்டியர்கள், கல்வியில் இளங்கலைப் பட்டமும், நிர்வாக மற்றும் உதவிப் பணிகளுக்கு தகுதி பெற அவர்கள் குறைந்தபட்சம் உயர்நிலைப் பள்ளி பட்டமும் பெற்றிருக்க வேண்டும் என்று கூறப்படுகிறது.

குறிப்பாக, தனியார் கல்வித் துறையில் ஆர்வமுள்ள குடிமக்களுக்கு இந்தத் திட்டம் திருப்புமுனையாக இருக்கும் என்று MOE இன் உயர்கல்வி கல்வி விவகாரங்களுக்கான துணைச் செயலாளர் டாக்டர் முகமது அல் முஅல்லா தெரிவித்துள்ளார். இவை நடைமுறைப்படுத்தப்படும் பட்சத்தில் கல்வித்துறையில் வேலை பார்த்து வரும் வெளிநாட்டினரின் எண்ணிக்கை குறையும் என்பது குறிப்பிடத்தக்கதாகும்.

Leave a Comment