அமீரகத்தில் கடந்த வாரம் 27
ஆண்டுகளில் இல்லாத அளவுக்கு
அதிக மழை பெய்துள்ளது, இதன்
விளைவாக ஃபுஜைரா, ஷார்ஜா
மற்றும் ராஸ் அல் கைமாவின்
பல்வேறு பகுதிகளில் வெள்ளபெருக்கு
ஏற்பட்டது. இதில் ஐந்து பாகிஸ்தானியர்கள் உட்பட ஏழு பேர்
இறந்தனர், மேலும் பலர் வெள்ளத்தால் பாதிக்கப்பட்ட தங்கள் இடங்களை விட்டு வேறு இடங்களுக்கு மாற்றப்பட்டுள்ளனர்.
ஐக்கிய அரபு எமிரேட்ஸில் வசிப்பவர்களும் வணிக நிறுவனங்களும் கடந்த வாரம் நாட்டின் வடக்கு மற்றும் கிழக்குப் பகுதிகளில் பெய்த பெரும் மழையைத் தொடர்ந்து தங்கள் காப்பீட்டுக் கோரிக்கைகளைச் சமர்ப்பிக்கத் தொடங்கியுள்ளனர். அதனடிப்படையில் ஆயிரக்கணக்கான வாகனங்கள் வெள்ளத்தில் அடித்துச் செல்லப்பட்டதால் பெரும்பாலானோர் தனிநபர் காப்பீட்டுக் கோரிக்கைகள்
வாகனங்களுடன் தொடர்புடையதாக இருக்கும் என்று தொழில்துறை நிர்வாகிகள் எதிர்பார்க்கிறார்கள்.
அல் வத்பா நேஷனல் இன்சூரன்ஸ் நிறுவனம் இது குறித்து கூறுகையில், மழை அதிகமாக இருக்கும் வடக்கு ஐக்கிய அரபு அமீரகத்தில் இருந்து, அபாயங்களுக்கு எதிராக காப்பீடு செய்த கார்களை வைத்திருக்கும் காப்பீட்டு நிறுவனங்களுக்கு உரிமைகோரல் அறிவிப்புகள் என்னும் காப்பீட்டு கிளைம்கள் வரத் தொடங்கியுள்ளன. சொத்துகள், திட்டங்கள், கனரக உபகரணங்கள் போன்றவை உட்பட இரண்டு துறைகளில் செயல்படும் கார்ப்பரேட் நிறுவனங்களின் உரிமைகோரல் என்னும் கிளைம் துறை இந்த தகவல்களை வெளியிட்டது.
வரலாறு காணாத மழை மற்றும் வெள்ளம் காரணமாக, வாகனங்கள் பல அடித்து செல்லப்பட்டன. பல வாகனங்கள் சேதமடைந்தன. எனவே, தனிப்பட்ட கிளைம்கள் என வரும்போது, வீட்டு உரிமையாளர்களின் காப்பீட்டு பாலிசி எண்ணிக்கையில் முக்கியமாக மோட்டார் காப்பீடு தொடர்புடையதாக இருக்கும் என்று காப்பீட்டு நிறுவனங்கள் தெரிவித்துள்ளன.
மேலும் இதுபோன்ற பயனுள்ள பல முக்கிய தகவல்களை உடனுக்குடன் தமிழில் பெற்றுக்கொள்ள எங்கள் Gulf tube tamil / WhatsApp Groupல் (https://chat.whatsapp.com/I6457ahW6fjL43R1cZkLuH) இணைந்து கொள்ளுங்கள்..
